Эрт илрүүлэг, оношилгооны төвийн барилгын ажил 85 хувийн гүйцэтгэлтэй үргэлжилж байна

ЧД-ийн 14 дүгээр хороонд Эрт илрүүлэг, оношилгооны төв байгуулж буй. Тус төвийн барилга угсралтын ажил 85 хувийн гүйцэтгэлтэй үргэлжилж байна. Энэхүү төв ашиглалтад орсноор дүүргийн иргэдэд эрүүл мэндийн тусламж, үйлчилгээг чанартай, хүртээмжтэй үзүүлэх боломжтой болох юм.

Тус барилга нь нийт 1431.61 м.кв талбайтай, зоорьтой хоёр давхар бөгөөд барилгын дотор засал, гадна тохижилтын ажлуудыг хийж байна. Бүтээн байгуулалтыг “Мон Хауз” ХХК гүйцэтгэж, захиалагчийн техник хяналтыг нийслэлийн Хөрөнгө оруулалтын газар хэрэгжүүлэн ажиллаж байна.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС