“Халиуны ертөнц”-өөр аялав

Хөгжмийн зохиолч, найруулагч, продюсер Н.Халиуны тоглолт “UB PALACE”-ын концертын их танхимд болж, үзэгчдийг доргиож, дуу хуур, дурсамж дүүрэн нэгэн үдшээр  аялуулав.

Тоглолтын ерөнхий найруулагчаар МУУГЗ С.Ононбат, “On’n off” продакшн ажиллаж, тайзны тавилт, найруулга, зохион байгуулалтыг хариуцсан юм.

Мөн энэ үдэш Н.Халиуны  зохиосон хит  дуу, хөгжмийн найруулга хийсэн шилдэг бүтээлүүдийг Монголын рок поп хөгжмийн урлагийн шилдэг уран бүтээлчид 100 хувь амьдаар дуулж уран бүтээлчдийн ур чадвар, сэтгэл хөдлөл зэргийг үзэгчдэд шууд хүргэж чадсан юм.

Тоглолтын үеэр тайзнаас хэсэгтээ хол байсан дуучин Б.Мягмарсүрэн, Л.Байзада, Х.Оюунбилэг, Э.Минжинсор болон “Хар  сарнай”,  “Freezone” нарын үзэгчдийн хүсэн хүлээдэг хамтлаг, дуучид оролцож, сэтгэлд хоногшиж дурсамж хөглөх дуунуудаараа бэлэг барьсан юм.

Харин хөгжимчид тоглолтыг жинхэнэ утгаар нь амьдруулж, хөгжим гэж юу байдгийг энэ л үеэр харуулсан юм.