Хэнтий аймаг хүнсний ногооны 70 хувийг өөрсдөө хангадаг

Монгол Улсын Ерөнхий сайд У.Хүрэлсүх Хэнтий аймгийн Чингис хаан хотын “Эвт” худалдааны төвд болж байгаа Хэрлэн, Мөрөн, Жаргалтхаан сумын ногоочдын өдөрлөгт оролцов.

Хэнтий аймаг жилд 5000 тонн төмс, хүнсний ногоо хураан авдаг нь аймгийн иргэдийн хэрэгцээний 70 гаруй хувь гэсэн үг юм. Энэ жил ноднин жилээс арвин ургац авах төлөвтэй байгаа, Ховдын тарвасыг нутгийнхаа хөрсөнд нутагшуулахаар анх удаа тариалсан тухай аймгийн удирдлага танилцуулав. Хамгийн гол нь хурааж авсан нийт төмс, хүнсний ногооныхоо 1700 тонныг л зооринд хадгалах боломжтой байдаг ногоочдод хүндрэл болдог байна. Иймээс зоорь барих хөрөнгийг шийдвэрлэж өгөхийг хүсч байв.