Энэ сарын 1-ний өдөр буюу өчигдөр Богд Уулын ам Хүрэл тогоотод гал түймэр гарчээ. Тус дүүргийн онцгой байдлын албанд 4-5 га газар шатлаа гэх дуудлага ирсэн бөгөөд дуудлагын дагуу ой руу орохоос нь өмнө онцгой байдлын албан хаагчид унтрааж амжсан байна. Галын шалтгааныг Богдхан уулын захиргааны ажилчид мөн онцгой байдлын албан хаагчид очиж шалгахад хуурайшилт ихтэй үед хоёр эмэгтэй арц уугуулж байгаад гал алдсан байна.
Хуурайшилт ихтэй байгаа энэ цаг үед иргэдийг сонор сэрэмжтэй байхыг холбогдох газраас анхааруулж байна.
