Нийслэлд баавгайн бамбарууш “зочилжээ”

Нийслэлийн сонгинохайрхан дүүргийн 21 дүгээр хороо 61-ийн гарамд айлын хашааны гадаа бамбарууш байна гэсэн дуудлага өчигдөр буюу энэ сарын 01-ны өглөө 08:00 цагт Нийслэлийн шуурхай удирдлагын төвд ирсэн байна.

Дуудлагын дагуу Нийслэлийн Байгаль орчны газрын мэргэжилтнүүд очиж зориулалтын уурга ашиглан барьж авч торонд хийгээд мал эмнэлгийн газарт аваачиж үзүүлэхэд бамбаруушны биед ямар нэгэн гэмтэл шарх, сорвигүй, эрүүл болохыг тогтоосон тул байгальд нь тавихаар болжээ. Хаана, хэзээ тавихыг нь хэлэх боломжгүй гэдгийг Нийслэлийн Байгаль орчны газрын дарга твиттер хуудаснаа жиргэжээ.