Боловсрол Соёл Шинжлэх Ухаан Спортын Яам болон Монголын Үйлдвэрчний Эвлэлийн Холбоо хамтран цаг үеийн асуудлаар мэдээлэл хийлээ. БСШУСЯ Боловсрол, шинжлэх ухааны үйлдвэрчний эвлэл хэлэлцээрт хамтран ажилласны үр дүнд энэ сарын 3-наас хойш үргэлжилсэн багш нарын ажил хаят өнөөдөр албан ёсоор зогсож байгаа талаар БСШУСЯ-ны Төрийн нарийн бичгийн дарга Д.Баярсайхан мэдэгдлээ.
Энэ сарын 17-ны даваа гаригаас сургууль, цэцэрлэгийн үйл ажиллагаа хэвийн явагдах бөгөөд хэлэлцээр үргэлжилж 2019 оны хөдөлмөрийн гурван талт хэлэлцээрт ямар санал, шаардлага оруулах тал дээр хамтран аэжиллах гэнэ.
Мөн БСШУСЯ-ны Үйлдвэрчний эвлэлээс инфляцитай уялдуулаад 2019 онд цалинг найм орчим хувиар нэмэх гэж байсан асуудлыг бид 20-иос доошгүй хувиар нэмэх, 2019 оны нэгдүгээр сарын 1-ний өдрөөс эхлээд ажлын ачааллыг үнэлэх үнэлгээний системтэй болгож, нормоос давсан хүүхдийн тоогоор багш нарын цалинг нэмэхээр болсон гэдгийг энэ үеэр онцолж байлаа.
