“Эрүүл мэнд – Эрхэм баян 2” аян үргэлжилж байна
Эрдэнэт үйлдвэр ТӨХК -ийн Засвар, угсралтын цехийн ажилтнуудын дунд “Эрүүл мэнд – Эрхэм баян 2” гурван сарын аян үргэлжилж байна. Эрүүл мэндийг дэмжих, бие бялдрыг чийрэгжүүлэх, амьдралын зөв хэв маягт суралцуулах, эрүүл мэндийн боловсрол эзэмшүүлж, амьдралын чанарыг дээшлүүлэн, хамт олны эерэг хандлагыг бий болгох зорилгоор энэхүү аяныг хоёр дахь жилдээ амжилттай зохион байгуулж байна.
Өнгөрсөн гуравдугаар сард эхэлсэн уг аяны хүрээнд долоон багийн 35 тамирчин олон төрөлт уралдаан тэмцээнд хүч сорьж өрсөлдөх юм. Дөрөвдүгээр сард уртын алхалт, 3*3 сагсан бөмбөгийн тэмцээн зохион байгуулсан. Өнгөрсөн амралтын өдрүүдэд уулын замаар дугуйн аялал явууллаа. Нийтдээ 24 км замыг 15 тамирчин дугуйгаар туулж, аяллын явцад буухиа тэмцээн, дугуйн уралдаан хийж “Шонхор” баг түрүүллээ.
Энэ 7 хоногт хаданд авирах тэмцээнийг зохион байгуулснаар аян өндөрлөж, шилдгүүдийг тодруулан урамшуулах аж. Аянд оролцогчид багаараа ажлын өдрүүдэд эрүүл мэндийн замаар алхаж, амралтын өдөр Баян-Өндөр, Сархиа ууланд алхаж байгаа аж.
ТАГ:
