Баянзүрх дүүргийн иргэдийн Төлөөлөгчдийн Хурлын ээлжит VI хуралдаан эхэллээБаянзүрх дүүргийн иргэдийн Төлөөлөгчдийн Хурлын ээлжит VI хуралдаан 97 хувийн ирцтэйгээр эхэллээ. Энэ удаагийн хуралдаанаар
- 1. Хуралдааны дэг батлах тухай
- 2. Зөвлөл байгуулах тухай
- 3. Засаг даргын 2021 оны үйл ажиллагааны тайлан хэлэлцүүлэх тухай
- 4. Төлөөлөгчдийн ёс зүйн дүрэм батлах тухай
- 5. Хороодын хамтарсан баг байгуулах тухай
- 6. Гэмт хэргээс урьдчилан сэргийлэх ажлыг зохицуулах салбар зөвлөлийн бүрэлдэхүүн шинэчлэх тухай
- 7. Орон нутгийн санг бүрдүүлэх, захиран зарцуулах, түүнд хяналт тавих журам батлах тухай
- 8. Баянзүрх дүүргийг урт, богино, дунд хугацаанд нь хөгжүүлэх “Хөгжлийн зураглал – 2030” бодлогын баримт бичгийг батлах тухай
- 9. Дүрэмд өөрчлөлт орох тухай
- 10. Төрийн дээд шагналд уламжлах тухай
- 11. Хаягийн зураг баталгаажуулах тухай
- 12. Хороодын хэсгийн хуваарь батлах тухай
- 13. Газрын үнэлгээний зэрэглэл (бүс)-ийн газрын төлбөр тооцох итгэлцүүрийн тоон утга, түүний хэрэглэх зааг, хязгаарыг шинэчлэх батлах тухай Иргэдийн төлөөлөгчдийн хурлын 2020 оны 13 дугаар тогтоолыг хүчингүй болгох тухай зэрэг асуудлыг хэлэлцэж шийдвэрлэнэ.
Хуралдааны эхэнд Баянзүрх дүүргийн иргэдийн Төлөөлөгчдийн Хурлын дарга А.Баяр Баянзүрх дүүрэг анх удаа “Хөгжлийн зураглал 2030” баримт бичгийг боловсруулж, иргэддээ танилцуулсан. Баянзүрх дүүргийн эдийн засгийн тогтвортой байдал, хөгжил цэцэглэлтэд нөлөө бүхий төсөл арга хэмжээг урт хугацаагаар тодорхойлох үүднээс баримт бичгийг боловсруулж хэлэлцэн батлах гэж байна гэсэн юм. Хуралдаанд цахимаар 3 төлөөлөгч, танхимаар 39 төлөөлөгч оролцож байна гэж Баянзүрх дүүргээс мэдээллээ.
