“Эрдэнэт”-ийн уурхайчид түүхэн дээд амжилт тогтоожээ

Эрдэнэт үйлдвэрийн бүтээлч   хамт олон  2021 онд  уулын цул олборлолт, хөрс хуулалт, хүдэр боловсруулалт болон молибдены баяжмал үйлдвэрлэлээр түүхэн дээд амжилт тогтоолоо.

Тайлант хугацаанд тус үйлдвэрийн  уурхайчид 27.27 сая шоо метр уулын цул олборлож, 13.15 сая шоо метр хөрс хуулж, 36.0 сая тн хүдэр олборлосон байна.

Түүнчлэн баяжуулагчид маань 32.65 сая тонн хүдэр боловсруулж,   576.6 мянган тонн зэсийн баяжмал, 6326 тн молибдены баяжмал үйлдвэрлэжээ. Эдгээр  амжилт бол Эрдэнэт үйлдвэрийн  баялаг бүтээгчдийн  нөр их  хөдөлмөрийн үр шим юм.

Я.ЭНХТУЯА