Үйл ажиллагааг нь түр хязгаарлах 18 чиглэл

Өндөржүүлсэн бэлэн байдлын зэрэгт тавдугаар сарын 8-наас шилжиж буйтай холбогдуулан үйл ажиллагааг нь хязгаарлаад байсан 71 төрлийн ажил үйлчилгээ, албан байгууллага, ААН халдвар хамгааллын дэглэмээ баримтлан хэвийн горимоор ажиллана. Харин халдварын эрсдэл өндөр байгааг харгалзан дараах 18 чиглэлийн үйл ажиллагааг түр хязгаарлаж байгаа гэдгийг Улсын онцгой комиссоос мэдээлж байна.

Дараах 18 чиглэлийн үйл ажиллагааг нээхгүй. Үүнд:

1. Жагсаал, цуглаан, уралдаан тэмцээн
2. Аялал зугаалга, хурим найр, цайллага, хүлээн авалт
3. Бүх төрлийн баар
4. Хоол үйлдвэрлэл үйлчилгээний газар (Ресторан, кафе, сүлжээ хоолны газар, түргэн хоолны газар, кофе шоп, цайны газар, буфет, явуулын үйлчилгээтэй хоолны газар) нь үйлчилгээний танхим болон гадна талбайд үйлчилгээ явуулахыг хязгаарлах, захиалгат болон хүргэлтийн хоолны үйлчилгээг зөвшөөрнө
5. Өргөтгөсөн болон үзэсгэлэн худалдаа
6. Хүнсний биш барааны зах худалдааны төв (Монгол Улсын Шадар сайдын 2021 оны 18 дугаар тушаалаар баталсан “Коронавируст халдвараас сэргийлэх арга хэмжээг зохион байгуулах түр журам”, тусгай нөхцөл шаардлага, бэлтгэл ажлыг хангасан нөхцөлд үйл ажиллагаа явуулахыг зөвшөөрнө.)
7. Цахим ба автомат тоглоомын газар болон бүх төрлийн тоглоомын төв
8. Сургалтын төв
9. Соёл урлагийн арга хэмжээ, үзвэр үйлчилгээ
10. Алжаал тайлах төв
11. Чийрэгжүүлэх, бялдаржуулах төв
12. Саун, бассейн, нийтийн халуун ус
13. Зочид буудал, дэн буудал
14. Амралт, жуулчны газар 
15. Шашны зан үйл, сүм, хийд, мөргөлийн газрууд
16. Олимп, тив, дэлхий, олон улсын тэмцээний бэлтгэлээс бусад биеийн тамир, спортын арга хэмжээ
17. Хүүхдийн тоглоомын болон сагс, хөл бөмбөгийн талбай
18. Нийтийн бүжиг ба бүх төрлийн бүжгийн клуб.