Сумдын сонгуулийн хороонд 120 албан хаагч ажиллана

Монгол Улсын Ерөнхийлөгчийг сонгох сонгуулийн үеэр сумдад нийт 120 албан хаагч ажиллана гэж аймгийн Сонгуулийн хорооноос мэдээлэв.

“Монгол Улсын Ерөнхийлөгчийн сонгуулийн тухай хуулийн 15 дугаар зүйлийн 15.1-д заасны дагуу аймгийн Сонгуулийн хорооны 2021 оны 4 дүгээр сарын 9-ний 01 дүгээр тогтоолоор 24 суманд сонгуулийн хороодыг байгууллаа. Сумын сонгуулийн хороонд нийт 120 албан хаагч томилогдоод байна. Сумын сонгуулийн хороо дараах эрхийг хэрэгжүүлэн ажиллана.

Үүнд 15.1-д зааснаар Аймаг, нийслэлийн сонгуулийн хороо санал авах өдрөөс 60-аас доошгүй хоногийн өмнө энэ хуулийн 12.3-т заасны дагуу сум, дүүргийн сонгуулийн хороог дарга, нарийн бичгийн дарга болон гурав, эсхүл таван гишүүний бүрэлдэхүүнтэйгээр байгуулж, харьяалах нутаг дэвсгэрийнхээ хэмжээнд нийтэд мэдээлнэ.

15.2.-т зааснаар Сум, дүүргийн сонгуулийн хороо харьяалах нутаг дэвсгэрийнхээ хэмжээнд энэ хуулийн 14.2.1, 14.2.2, 14.2.4, 14.2.9-д зааснаас гадна дараах эрхийг хэрэгжүүлнэ.

Тухайлбал :

-15.2.1-т харьяалах хэсгийн хорооны үйл ажиллагааг зохион байгуулалт, арга зүйн нэгдсэн удирдлагаар хангах. -15.2.2-т зааснаар аймаг, нийслэлийн сонгуулийн хорооноос хуваарилсан төсвийн хөрөнгийг зориулалтын дагуу захиран зарцуулах, харьяалах хэсгийн хорооны хэвийн үйл ажиллагааг хангахад шаардагдах зардлыг гаргах, зарцуулалтад хяналт тавих. -15.2.3-т зааснаар өөрийн бүрэн эрхэд хамаарах асуудлаар ирүүлсэн өргөдөл, гомдлыг хянан шийдвэрлэж, бичгээр хариуг өгөх. -15.2.4-т зааснаар харьяалах хэсгийн хороодоос ирүүлсэн санал хураалтын дүнг нэгтгэж, харьяалагдах аймаг, нийслэлийн сонгуулийн хороонд хүргэх. 15.2.5-д зааснаар дээд шатны сонгуулийн хорооноос хуульд заасны дагуу өгсөн үүргийг биелүүлэх. -15.2.6-д зааснаар сонгуулийн баримт бичгийг Сонгуулийн ерөнхий хорооноос баталсан журмын дагуу гаргаж, харьяалагдах аймаг, нийслэлийн сонгуулийн хороонд хүлээлгэн өгөх. -15.2.7-д зааснаар саналын хуудас болон сонгуульд ашиглах техник хэрэгслийг хүргүүлэх, хадгалах үйл ажиллагааг зохион байгуулах, хяналт тавина гэж тус тус заасны дагуу ажиллана гэлээ.