2,000 тонн үйлдвэрийн хаягдал ус цэвэршүүлэх байгууламж барьжээ
Монгол орон усны нөөцөөрөө дэлхийд сүүлийн 25-д ордог усны нөц багатай орнуудын нэг юм. Бид одоогийнх шигээ усаа хэрэглэсээр байвал 2026 оноос усны хомсдолд орж эхлэх эрдэмтдийн судалгаа ч гарсан байна.
Усны нөөцийг хайрлан хамгаалах үйлсэд хувь нэмрээ оруулах зорилгоор М-Си-Эс Кока-Кола компани “Эх орныхоо усны ирээдүйн төлөө Цэнхэр Алт усаа хайрлая арга хэмжээнд нэгдлээ.
Тус компани эх орныхоо усны ирээдүйн төлөө хийсэн нэгэн томоохон бүтээн байгуулалт нь Хаягдал ус цэвэршүүлэх байгууламж юм.
Энэхүү байгууламж хоногт 2,000 тн үйлдвэрийн хаягдал усыг цэвэршүүлэх хүчин чадалтай ажээ. Цэвэршүүлсэн усны чанарын үзүүлэлт нь хүрээлэн буй орчинд нийлүүлэх, цэвэршүүлсэн бохир усны стандартыг хангасан байна. Өнгөрөгч оны байдлаар цэвэршүүлсэн усны 5%-ийг УБ Нэгтгэл ХХК-д үнэ төлбөргүй нийлүүлэн Улаанбаатар хотын зам талбайг угааж цэвэрлэх, үйлдвэрийн орчны ногоон байгууламжийг услахад зарцуулжээ. Ингэснээр жилдээ 5,000 өрхийн цэвэр усны нөөцийг хангахуйц усыг хэмнэж чадсан байна.
