Шалган нэвтрүүлэх товчоодод хяналт тавин ажиллаж байна
НОБГ-ын Хан-Уул дүүргийн Онцгой байдлын хэлтсийн алба хаагчид Мэргэжлийн хяналтын газар, Мал эмнэлгийн газар, Хүрээлэн буй орчны цагдаа, Замын цагдаагийн хэлтэс, нийслэлийн Мал эмнэлгийн газар, дүүрэг дэх Цагдаагийн газрын алба хаагчидтай хамтран шалган нэвтрүүлэх товчоодын орох, гарах автомамашинуудад хяналт тавин ажиллаж байна.
Дүүргийн нутаг дэвсгэрт байрлах “Өлзийт”, “Таван толгойн уулзвар”-ын шалган нэвтрүүлэх товчоодод тарваган тахал болон хүн, малын гоц халдварт өвчнөөс урьдчилан сэргийлэх чиглэлээр хяналт шалгалт, үзлэг тандалтыг 24 цагаар гүйцэтгэж байгаа юм.
Шалган нэвтрүүлэх товчоодод ажиллаж байгаа алба хаагчдын өдөр тутмын үйл ажиллагаанд хяналт тавин ажиллаж байна гэж НОБГ-ын Хан-Уул дүүргийн Онцгой байдлын хэлтсээс мэдээллээ.
