Багачууддаа хүндэтгэл үзүүллээ

Баянзүрх дүүргийн Засаг даргын Тамгын газраас шинэ жилийн баярыг тохиолдуулан 28 хорооны төлөөлөл болсон хүүхэд багачуудаа хүлээн авч хүндэтгэл үзүүллээ. Тус арга хэмжээнд дүүргийн Хөдөлмөр эрхлэлт, нийгмийн хөгжлийн асуудал хариуцсан Засаг даргын орлогч Б.Наранчулуун, Эдийн засгийн хөгжлийн асуудал хариуцсан Засаг даргын орлогч Д.Уламбаяр болон албаны бусад хүмүүс оролцлоо.

Хүндэтгэлийн арга хэмжээнд дүүргийн 28 хорооны амьжиргааны баталгаажих төвшнөөс доогуур орлоготой өрхийн 1000 хүүхэд оролцсон бөгөөд хүүхэд багачуудад зориулан Б.Лхагвасүрэнгийн зохиол “Зүггүй шөмбөөлэй” хүүхдийн жүжгийн тоглож, гарын бэлэг гардууллаа.