Үндсэн хуулийн цэцийн Их суудлын хуралдаан өнөөдөр болж байна. Тус хуралдаанаар УИХ-ын сонгуулийн 42 дугаар тойрог буюу Хэнтийн нөхөн сонгууль товлон зарлах, санал авах өдрийг тогтоох тухай УИХ-ын тогтоол Үндсэн хууль зөрчсөн эсэх маргааныг хяналтын журмаар дахин хянан үзэж, эцэслэн шийдвэрлэх юм.
Хуралдаанд өргөдөл, мэдээлэл гаргасан иргэд, УИХ-ын итгэмжлэгдсэн төлөөлөгчөөр УИХ-ын гишүүн Д.Лүндээжанцан оролцож байгаа аж.
