УИХ-ын нэр бүхий 27 гишүүн Засгийн газрыг огцруулах бичигт гарын үсэг зурсан шаардах бичгээ УИХ-д өргөн барьсан. Хуулийн дагуу засаг огцруулах асуудал Төрийн байгуулалтын байнгын хороогоор орсон бөгөөд хуралдаанд оролцсон нийт гишүүдийн 62,5 хувь нь Засгийн газрыг огцруулах нь зүйтэй гэж үзэж, УИХ-ын чуулганд хүргүүлэхээр боллоо. Засгийг огцруулах асуудал ирэх Пүрэв гаригт УИХ-ын нэгдсэн чуулганаар хэлэлцэх юм.
