УИХ дахь МАН-ын бүлэг өнөөдөр хуралдаж, бүлгийн даргаа томиллоо. Хуралд оролцсон нийт бүлгийн гишүүдийн 90.7 хувийн саналаар УИХ-ын гишүүн Д.Тогтохсүрэнг МАН-ын бүлгийн даргаар сонгосон байна. Тэрээр 2008-2016 онд Өвөрхангай аймгийн Засаг даргаар ажиллаж байсан бөгөөд 2016 оноос Монгол Улсын Их Хурлын гишүүнээр сонгогдон ажиллаж байгаа юм. Өмнөх дарга буюу УИХ-ын гишүүн Д.Хаянхярвааг ЖДҮХС-тай холбогдсон гишүүдийн асуудлаар тус намын Удирдах зөвлөл хариуцлага тооцох шийдвэр гаргасан юм.
