Сэтгүүлзүйн шилдэг бүтээлүүдийг шалгарууллаа

М-Си-Эс Кока-Кола компанийн санаачилгаар “Ногоон Пресс” сэтгүүлчдийн үндэсний сүлжээ, “Хог хаягдалгүй Монгол” ТББ болон “Ти Эм Эл Пластик” үйлдвэр хамтран “Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх тухай” сэдэвт сэтгүүл зүйн бүтээлийн уралдаан зохион байгуулж, шилдгүүдээ шалгарууллаа.

Тус уралдааныг хүнсний зориулалттай дахин боловсруулсан PET хуванцар савлагааны чанар стандарт, хуванцар дахин боловсруулалтын ач холбогдлын талаарх мэдээллийг олон нийтэд илүү хүртээмжтэй хүргэх зорилгоор зохион байгуулсан юм.

Уралдаанд хэвлэл мэдээллийн байгууллагаас 33 бүтээл ирснээс:

• Тэргүүн байрт: ikon.mn сайтын сэтгүүлч Б.Батчимэг “Борлуулсан сав бүрийн хариуцлага ба хүнсний PET хуванцрын тойрог эдийн засаг” мультимедиа нийтлэл
• Дэд байрт: murch.mn сайтын сэтгүүлч Г.Гэрэлээ “Гурван секунд “мөнгө” хаясаар байх уу?” нийтлэл
• Гутгаар байрт: NTV телевизийн сэтгүүлч А.Азжаргал “Ахмад оршин суугчдын санаачилга” сурвалжилга шалгарлаа.

Харин тусгай байрт:

• Graph.mn сайтын сэтгүүлч Д.Халиунаа – “Хогийн савнаас төрсөн шинэ амьдрал” мультимедиа нийтлэл
• “Монголын Үнэн” сонины сэтгүүлч С.Юмсүрэн “Савнаас төрсөн сав буюу rPET” нийтлэл
• ТоС Холбооны Байгууллага, хамтын ажиллагааны менежер А.Марал “Хуванцар эриний шийдэл rPET технологийг онцлох нь” мультимедиа нийтлэл
• Увс аймгийн Байгаль орчны газрын хэвлэл мэдээллийн ажилтан Б.Отгонпүрэвээ, Ойн мэргэжилтэн Б.Баярмаа, Увс аймгийн Улаангом сумын ЗДТГ-ын хэвлэл мэдээллийн ажилтан Н.Одбаяр нарын “Хүнсний зориулалттай дахин боловсруулсан PET хуванцар савлагааг хэрэглээнд нэвтрүүлэх нь” сэдэвчилсэн мэдээ тус тус шалгарлаа.

#Шилдэгбүтээл

3R MCS Coca-Cola