“Бид нэг агаартай” дэвшилтэт техник, технологийн үзэсгэлэн болно

Эрчим хүчний хэмнэлт, дулаан алдагдалгүй хэрэглээ, ногоон худалдан авалтыг дэмжин иргэд, байгууллагын хандлагыг өөрчлөх замаар агаар, орчны бохирдлыг бууруулах, олон нийтийн оролцоог хангах зорилгоор “Бид нэг агаартай” байгаль орчинд ээлтэй дэвшилтэт техник, технологийн үзэсгэлэнг Нийслэлийн Засаг даргын тамгын газар, Нийслэлийн Агаарын бохирдлыг бууруулах сангаас хамтран зохион байгуулахаар болжээ. Тус үзэсгэлэн энэ сарын 11, 12-ны өдрүүдэд Сүхбаатарын талбай дээр зохион байгуулах юм байна.