Он гарснаас хойш 2724 иргэн ипотекийн зээлд хамрагджээ

Монголбанкнаас өгч буй мэдээллээр 2018 оны есдүгээр сард ипотекийн зээлд зориулж 16 тэрбум төгрөгийн санхүүжилтийг банкуудад олгосон байна. Мөн дээрх санхүүжилттэй холбоотойгоор 239 иргэн шинээр ипотекийн зээлд хамрагджээ. Энэ оны эхний 9 сарын байдлаар Монголбанкны эх үүсвэрээс 143.7 тэрбум төгрөг, Засгийн газрын эх үүсвэрээс 59.6 тэрбум төгрөг, нийт 203.2 тэрбум төгрөгийн ипотекийн зээлийг 2724 иргэнд олгоод байгаа аж.