Энхийг сахиулагчид ЭХЭМҮТ-д хүүхдийн мэс заслын ор бэлэглэв

Энхийг сахиулагчид Эх хүүхдийн эрүүл мэндийн үндэсний төв /ЭХЭМҮТ/-д ирээдүй болсон хүүхдүүдийн сайн сайхны төлөө ажил зохион байгууллаа.

Тодруулбал, эх, хүүхдийн эрүүл мэндийн хөтөлбөрийн хүрээнд “Эрүүл мэндийн байгууллагын аюултай хог хаягдлыг халдваргүйжүүлэх тоног төхөөрөмж гардуулах” арга хэмжээ өнөөдөр боллоо.

Өмнөд Суданд энхийг сахиулсан 12 дахь ээлж “Монгол баталион” (Монбат-XII)-ны албан хаагчдаас хүмүүнлэгийн аяны хүрээнд эмнэлгийн ор, тэргэнцэр, эмчилгээний хэрэгсэл зэрэг 10 сая төгрөгийн хэрэгслийг  бэлэглэжээ. Энэ нь Цэрэг, иргэний харилцаанд хэвшил болж буй арга хэмжээний нэг болж байна.