театр Онцлох Шинэ мэдээ

Фото: “Гэгээн Муза 16”-гийн шилдгүүд

Театрын урлагийн шилдгүүдийг шалгаруулдаг “Гэгээн муза” наадам 6 дугаар сарын 03-11 ний өдрүүдэд амжилттай зохион байгуулагдлаа. Хоёр жил тутамд нэг удаа болдог 16 дахь удаагийн “Гэгээн муза” наадамд Монгол, ОХУ-ын Буриад улс, Румын, Итали, Энэтхэг, Гүрж, Шри-Ланк, Словен, Люксенбург, Грек, Ирак улсын уран бүтээлчид 50 гаруй бүтээлээ ирүүлсэнээс хёрдугаар шатанд 26 бүтээл нэр дэвшин өрсөлдлөө.

Наадмын зочин шүүгчээр Олон улсын театрын институт /ОУТИ/-ийн гишүүн, жүжгийн зохиолч, театр судлаач Татъяана Азман, ОУТИ-ийн Афины төвийн дэд ерөнхийлөгч, Грекийн Аристотелийн их сургууль болон Үндэсний театрын дэргэдэх драмын сургуулийн профессор, театр судлаач Саввас Патсалидис, Япон улсын театрын найруулагч, судлаач бөгөөд Токио дахь D’UOMO ex machina театрын үүсгэн байгуулагч Какүмуту Ацүши нар урилгаар ирж оролцсон юм.

Энэ удаагийн шалгаруулалтаас наадмын журамд өөрчлөлт оруулж “Үндсэн жүжгийн ангилал” буюу “Драмын жүжгийн төрөл”, “Хөгжимт жүжгийн төрөл”, “Хүүхдийн жүжгийн төрөл”-үүдэд Гранпри шагнал, “Бэсрэг жүжгийн ангилал” буюу “Нэг хүний жүжгийн төрөл”, “Хоёр хүний жүжгийн төрөл”-үүдэд Гранпри шагналыг тус бүр уламжлал болгон олгож байхаар болжээ.

“Гэгээн Муза 16”-гийн шилдгүүдийг танилцуулж байна

“Хүүхдийн жүжгийн төрөл”-д

Шилдэг эрэгтэй туслах дүр

Дорноговь аймгийн “Саран хөхөө” театрын бүтээл “Гэрэл асаа” жүжгийн Баагийгийн дүрээр жүжигчин А.Баярсайхан

Шилдэг эмэгтэй туслах дүр

Орхон аймгийн Хүүхэд залуучуудын театрын бүтээл “Тангарагт хаан” жүжгийн Асралт гүнжийн дүрээр жүжигчин Ч.Уранбилэг

Шилдэг тайзны зураач

Дорноговь аймгийн “Саран хөхөө” театрын бүтээл “Гэрэл асаа” жүжгийн
зураач О.Баярмагнай

Шилдэг хөгжмийн зохиолч

Завхан аймгийн ХЖТеатрын бүтээл “Жангар” жүжгээр
хөгжмийн зохиолч Ё.Эрдэнэбаатар

Шилдэг зохиолч

Завхан аймгийн ХЖТеатрын бүтээл “Жангар” жүжгээр зохиолч Д.Мэндсайхан

Шилдэг эрэгтэй гол дүр

Завхан аймгийн ХЖТеатрын бүтээл “Жангар” жүжгийн Хэрээний дүрээр жүжигчин А.Цэрэнбалжир

Шилдэг эмэгтэй гол дүр

Дорноговь аймгийн “Саран хөхөө” театрын бүтээл “Гэрэл асаа” жүжгийн Туулын дүрээр жүжигчин Б.Болортуяа

Шилдэг найруулагч

Завхан аймгийн ХЖТеатрын бүтээл “Жангар” жүжгээр найруулагч Э.Ёндоншарав
/төлөөлж авав /

Хүүхэд оролцооны шилдэг бүтээл

“Петер Пан” хүүхдийн мюзикл жүжиг

Хөгжимт жүжгийн төрөлд

Шилдэг тайзны зураач

Сүхбаатар аймгийн Жаахан шарга театрын бүтээл “Гоолингоо” жүжгээр
зураач С.Ариунболд

Шилдэг зохиолч

Дорнод аймгийн ХДТеатрын бүтээл “Нүдтэй наран тамга” жүжгээр
зохиолч Б.Цэрэннадмид

Шилдэг эмэгтэй туслах дүр

Өмнөговь аймгийн Хөгжимт жүжгийн театрын бүтээл “Хөх нар” жүжгийн Сүүндарийн дүрээр жүжигчин Ш.Ичинхүү

Шилдэг хөгжмийн зохиолч

Өмнөговь аймгийн Хөгжимт жүжгийн театрын бүтээл “Хөх нар” жүжгээр хөгжмийн зохиолч Л.Хишигбаяр

Шилдэг эрэгтэй гол дүр

Өмнөговь аймгийн Хөгжимт жүжгийн театрын бүтээл “Хөх нар” жүжгийн Мээрингийн дүрээр жүжигчин П.Баярмагнай

Шилдэг эмэгтэй гол дүр

Өмнөговь аймгийн Хөгжимт жүжгийн театрын бүтээл “Хөх нар” жүжгийн
Хатны дүрээр жүжигчин А.Алтанзул

Шилдэг найруулагч

Дорнод аймгийн Хөгжимт драмын театрын бүтээл “Нүдтэй наран тамга”
жүжгээр найруулагч Б.Мөнх-Амьдрал

Хүндэт Муза цомын эзэд

УХТ-ын жүжигчин Х.Батжаргал

УДЭТ-ын жүжигчин Ж.Пүрэвдорж

Нэг хүний жүжгийн төрөлд

Шилдэг эрэгтэй дүр

ОХУ-ын Буриадын Улсын Дуурь, бүжгийн эрдмийн театрын бүтээл
“Полковник пишет” жүжгээр жүжигчин Солбон Ендонов

Шилдэг эмэгтэй дүр

Итали улсын бүтээл “Khots” жүжгээр Julia Flippo

Шилдэг тайзны зураач

ОХУ-ын Буриадын Улсын Дуурь, бүжгийн эрдмийн театрын бүтээл
“Полковник пишет” жүжгээр Олег Юмов

Шилдэг найруулагч

ОХУ-ын Буриадын Улсын Дуурь, бүжгийн эрдмийн театрын бүтээл
“Полковник пишет” жүжгээр Олег Юмов

Хоёр хүний жүжгийн төрөлд

Шилдэг эрэгтэй дүр

Гүрж улсын бүтээл “Flushed” жүжгээр Ramaz Loseliani

Шилдэг эмэгтэй дүр

“Bee” театрын бүтээл “Хүн гөрөөс” жүжгийн Оюумаагийн дүрээр
жүжигчин Б.Одгэрэл

Шилпдэг тайзны зураач

“Bee” театрын бүтээл “Хүн гөрөөс” жүжгээр зураач Т.Аянга

Шилдэг найруулагч

“Bee” театрын бүтээл “Хүн гөрөөс” жүжгээр Ардын жүжигчин,
найруулагч Б.Мөнхдорж

Шүүгчдийн нэрэмжит цом

Сүхбаатар аймгийн Жаахан шарга театрын
“Гоолингоо” жүжигт

УДЭТ-ын бүтээл “Анна Каренина” жүжгийн Левиний дүрээр
жүжигчин С.Болд-Эрдэнэ

Дорноговь аймгийн “Саран хөхөө” театрын бүтээл “Гэрэл асаа” жүжгийн найруулагч Э.Идэрболд

Драмын жүжгийн төрөлд

Шилдэг эрэгтэй туслах дүр

Орфей театрын бүтээл “Гэм зэм” жүжгийн Мармеладовын дүрээр
жүжигчин П.Эрдэнэзаан

Шилдэг эмэгтэй туслах дүр

Улсын драмын эрдмийн театрын бүтээл “Анна Каренина” жүжгийн Бетсигийн дүрээр жүжигчин М.Тогтохжаргал

Шилдэг тайзны зураач

Төв аймгийн Монгол туургатан театрын бүтээл “Шар гэгээ” жүжгээр
зураач С.Бат-Эрдэнэ

Шилдэг зохиолч

“Орфей” театрын бүтээл “Гэм зэм” жүжгээр зохиолч Я.Баяраа

Шилдэг эрэгтэй гол дүр

УДЭТ-ын бүтээл “Анна Каренина” жүжгийн Карениний дүрээр Монгол Улсын Ардын жүжигчин Б.Жаргалсайхан

Шилдэг эмэгтэй гол дүр

“Орфей” театрын бүтээл “Гэм зэм” жүжгийн Улсын яллагчийн
дүрээр МУГЖ Д.Ганцэцэг

Шилдэг найруулагч

“Орфей” театрын бүтээл “Гэм зэм” жүжгээр найруулагч М.Батболд

Шилдэгийн шилдэг Гранпри шагналын эзэд

Бэсрэг жүжгийн төрөлд – Гранпри

ОХУ-ын Буриадын Улсын Дуурь, бүжгийн эрдмийн театрын бүтээл
“Полковник пишет” жүжиг /3 сая төгрөгийн мөнгөн шагнал/

Үндсэн жүжгийн ангилалд – Гранпри

Орфей театрын бүтээл “Гэм зэм” драмын жүжиг
/10 сая төгрөгийн мөнгөн шагнал/

П.Нарандэлгэр

Таг