Шинэ коронавируст халдварын нөхцөл байдлын шинэчлэгдсэн мэдээлэл /2020.02.26

ДЭМБ-ын мэдээллээр хоёрдугаар сарын 26-ны байдлаар COVID-19 халдварын нийт 80809 тохиолдол, БНХАУ-аас бусад улсад 2759 тохиолдол бүртгэгдсэн. БНХАУ-аас гадна 36 улсад 2619 тохиолдол батлагдаж, 41 хүн нас барсан. Шинээр Алжир, Хорват, Австрид анхны халдвар бүртгэгдсэн байна.

COVID-19 халдварын тархалт сүүлийн өдрүүдэд БНСУ, Итали, Иранд эрчимтэй явагдаж байна. Италид 322 тохиолдлоос 11 нас барсан. БНСУ-д өчигдөр 274 тохиолдол бүртгэгдэж, арван хүн нас барсан. Өнөөдрийн байдлаар 169 тохиолдол нэмэгдэж, 1146 болж, нас баралт нэгээр нэмэгдсэн. Өчигдөр Монгол Улсын иргэн БНСУ-д нас барсан тохиолдол гарсан. Иранд 95 тохиолдол, 15 нас баралт бүртгэгдээд байна.