Жижиг, дунд үйлдвэрлэлийг хөгжүүлэх сангаас төрийн өндөр албан тушаалтнууд зээл авсан асуудал сүүлийн өдрүүдэд олон нийтэд ил болоод байгаа билээ. Уг асуудалтай холбогдуулан АТГ-аас өчигдөр өглөө 04:00 цагийн үед “Чингис хаан” нисэх онгоцны буудалд гүйцэтгэх ажиллагаа явуулжээ. Тодруулбал, тус сангийн дэд захирал Б, холбогдох албан тушаалтан Н нарыг онгоцноос буухад нь саатуулсан байна.
Турк улсад албан томилолттой явсан бөгөөд ийнхүү газардахад нь баривчилсан бололтой. АТГ-аас өмнө нь энэ хэрэгтэй холбогдуулан ЖДҮХС-гийн захирал С.Төгсбилэг, ХХААХҮЯ-ны Төрийн нарийн бичгийн даргын үүрэг гүйцэтгэгч Д.Энхбатыг баривчлан шалгаж, тэднийг нэг сарын хугацаанд хорих шийдвэр гаргасан юм.
