ОХУ-ын Буриад Улсын нийслэл Улаан-Үд хотноо Зөвлөлт-Монголын дайчдын Халх голын дайнд ялсны 85 жилийн ойд зориулсан “Халх голын ялалт-бидний хамтарсан ялалт” нэртэй төслийн эхний шат /2024.05.7-9/ зохион байгуулагдлаа.
Энэ хүрээнд А.М. Горчаковын Олон нийтийн дипломат харилцааг дэмжих Сангийн дэмжлэгтэйгээр Шинжлэх ухаан, соёлыг дэмжих залуучуудын Хангарьд холбоо тус арга хэмжээг зохион явуулав.
Эхний өдрийн дугуй ширээний ярилцлагыг «Аугаа их Эх орны дайнд ЗХУ-ын ялалт ба ах дүү БНМАУ-ын үзүүлсэн тусламж» сэдвийн хүрээнд Буриад Улсын Үндэсний номын санд зохион байгуулсан юм.
