Ахмадуудад тэтгэврийн зээл олгохыг зогсоожээ

Үндэсний аюулгүй байдлын зөвлөлөөс тэтгэврийн зээлийг тэглэх тухай шийдвэр гаргасантай холбоотойгоор Монголбанкны Ерөнхийлөгч Б.Лхагвасүрэн 2020 оны нэгдүгээр сарын 02-ны өдрийн тушаалаар энэ сарын 1-ний өдрөөс эхлэн “тэтгэврийн зээл нэмж олгох”-ыг зогсоох арга хэмжээг авч хэрэгжүүлэхийг бүх арилжааны банкуудад албан тоотоор мэдэгджээ. Ерөнхийлөгч Х.Баттулгыг мэдэгдэл хийхийн өмнө Монгол Улсын хэмжээнд 230 мянга гаруй ахмад тэтгэврийн зээл авсан гэх мэдээлэл байгаа аж. Нийтдээ 700 орчим тэрбум төгрөгийн зээлийг арилжааны банкнаас авчээ. Нийт тэтгэвэр авагчдын 91.8 хувь нь Хаан банк болон Төрийн банкаар үйлчлүүлдэг гэх судалгаа бий.