Б.Намтай: Өвчлөлийн эхний шалтгаан бол ядаргаа, стресс бухимдал
Deprecated: htmlspecialchars(): Passing null to parameter #1 ($string) of type string is deprecated in /home4/newswwso/public_html/wp-includes/formatting.php on line 4724
Найрамдал эмнэлгийн зөвлөх эмч, АУ-ы доктор, профессор Б.Намтай: Орчин үеийн хүмүүсийг өвлчүүлж байгаа олон шалтгааны нэгдүгээрт стресс бухимдал, ядаргаа болоод байна.
Хоёрдугаарт хор, хордлого. Гуравдугаарт, цусны өтгөрөл. Дөрөвдүгээрт, жингийн нэмэгдэл, таргалалт, тавдугаарт, эрүүл мэндийн мэдлэггүй байна.
Дээр нь хэнэггүйн гай, мэдлэггүй байгаагаас үүдсэн эрүүл мэндийн өвчлөл их байна. Уг нь эдгээр нь эрүүл аж төрөх ёс уламжлалын үндсэн зарчмууд юм.
Ядаргаа хүн төрөлхтөний бүх цаг үед байсан. Байдаг л юм гэсэн хэнэггүй зангаар явж, “Хоолоо сайн идээд, сайн унтаад амарчихад болчихно” гээд явсаар ирсэн.
Харин энэ асуудлаар 1987 онд АНУ-д дархлаа болон ядаргаа судлалын 700 гаруй эрдэмтэд цуглаж ярилцаж, хэлэлцээд нэг тунхаг гаргасан.
Уг тунхагтаа “Ядаргаа бол 21 дүгэээр зууны тахал юм байна. Ядаргаа нэг талаасаа харахад биологийн үзэгдэл мэт боловч ядаргаа бол өвчин бүхний суурь шалтгаан гэж үзсэн. Өөрөөр хэлбэл ядаргааны хам шинж гэсэн нэр томьёо гаргасан” гэдгийг онцолж байв.
“Тогтвортой хөгжлийн төлөө” сэтгүүлчдийн клубийн гишүүд “Өглөөний цагийг өөртөө” ээлжит уулзалтаар /2025.11.18/ Анагаах ухааны доктор, “Найрамдал” эмнэлгийн Захирал Б.Намтай эмчтэй “Эрүүл мэнд ба эрүүл зөв хооллолт”сэдвээр мэдээлэл сонсож, сонирхсон асуултдаа хариулт авсан юм. Түүний өгсөн эрүүл амьдрахуйн учир шалтгаан болон хэрхэн хамгаалах талаар дэлгэрэнгүй тайлбарласан мэдээллийг хүргэж байна.
Deprecated: htmlspecialchars(): Passing null to parameter #1 ($string) of type string is deprecated in /home4/newswwso/public_html/wp-includes/formatting.php on line 4724
