“Болор цом 36” -ын шилдэгүүд тодорлоо

Говьсүмбэр аймгийн Сүмбэр сумын  “Боржигин” чуулгад өчигдөр 36 дахь удаагийн “Болор цом” наадам боллоо. Энэ удаагийн “Болор цом”  яруу найргийн наадам  Монголын Зохиолчдын эвлэлийн 90 жилийн ойн хүрээнд болж буйгаар онцлог болсон аж. Баасан гаригт наадамд оролцогчид Дорноговь, Говьсүмбэр аймгаас сонгогдсон УИХ-ын гишүүн Г.Мөнхцэцэгийн санаачилсан “Их соёл-Их үндэс” хөтөлбөрийн хүрээнд болсон “Уран үгсийн чуулган” зохиолч, уншигчдын уулзалтад оролцож бүтээл туурвилаа хүргэсэн байна. 

36 яруу найрагч өрсөлдсөн “Болор цом 36” наадмын АЙРГИЙН ТАВД дараах яруу найрагчид шалгарсан ажээ. 

• Тэргүүн байр: “Болор цом”-ын эзнээр МЗЭ-ийн шагналт яруу найрагч Б.Баттулга
• Дэд байр: Нацагдоржийн нэрэмжит шагналт яруу найрагч Би.Баярсайхан
• Гуравдугаар байр: МЗЭ-ийн шагналт яруу найрагч О.Цэнд-Аюуш
• Дөрөвдүгээр байр: “Алтан өд” шагналт яруу найрагч Д.Одгэрэл 
• Тавдугаар байр: Г.Сэр-Одын нэрэмжит шагналт яруу найрагч Д.Жамбалдорж