ОХУ-ын Ерөнхийлөгч Владимир Путин, АНУ-ын Ерөнхийлөгч Дональд Трамп нарын хэлэлцээ наймдугаар сарын 15-нд Аляскад болох тухай Америкийн тэргүүн Truth Social нийгмийн сүлжээгээр дамжуулан мэдэгджээ.
“АНУ-ын ерөнхийлөгчийн хувьд миний болон ОХУ-ын ерөнхийлөгч Владимир Путин хоёрын хүсэн хүлээсэн уулзалт 2025 оны 8-р сарын 15-ны Баасан гарагт Аляскийн агуу мужид болно” гэж Трамп бичээд дараа нь дэлгэрэнгүй мэдээлэл өгөхөө амласан байна.
Уулзалт болох газар, цаг хугацааны талаар Трампын хэлсэн үгийг ОХУ-ын Ерөнхийлөгчийн туслах Юрий Ушаков батлав гэж ТАСС агентлаг мөн мэдээлжээ. Орос, АНУ хоёр ойрын хөрш учраас дээд хэмжээний уулзалт болох газраар Аляскийг сонгосон нь нэлээд логиктой гэж Ушаков тайлбарлав. Хоёр улсын удирдагчдын дараагийн уулзалт Оросын нутаг дэвсгэрт болж магадгүй. Энэ сарын 8-ны эхээр Трамп Путинтэй уулзана гэдгээ баталсан. Уулзалтыг эрт хийх боломжтой байсан ч түүний хэлснээр аюулгүй байдлын арга хэмжээг дагаж мөрдөх ёстой гэж тэрээр нэмж хэлсэн байна.
