Монгол Улсын Ерөнхийлөгчийн санаачилгаар зохион байгуулж буй Байгаль орчин, уур амьсгалын өөрчлөлтийн яам, “Усны газар”, “Монгол Улсын Шинжлэх ухааны академи”-тай хамтран “Мөстөл, мөсөн голыг хамгаалъя” уриан дор “ЦЭНХЭР АЛТ” Усны Үндэсний II чуулган /2025.03.21/ Төрийн ордонд боллоо.
“Онги голынхон” хөдөлгөөний тэргүүн, “Монголын гол нууруудын нэгдсэн хөдөлгөөн”-ий УЗ-ийн гишүүн Ц. Мөнхбаяр: “Бид нар ямар нэгэн талд буруу өгөөд тэгээд хараад суудаг. Энэ байдал нь бидний хамгийн том алдаа юм. Үндсэн хуульд “Байгаль орчныг хамгаалах нь иргэний журамт үүрэг” гээд байдаг. Тэрхүү зохицуулалт, хууль эрх зүйн хүрээнд ч гэсэн заагдсанаас харахад энэ сайхан Монгол оронд төрсөн, өнөө цагийн эзэд минь иргэнийхээ хувьд маш хариуцлагатай байх ёстой. Тиймээс байгаль орчин, гол усаа хамгаалахад иргэн бүрийн оролцоо чухал, бид нэгдэн нийлж байж байгалиа хамгаалж чадна” хэмээн онцоллоо.
