МУИС-д сургалт, судалгааны лабораторийн тоног төхөөрөмж хүлээлгэн өглөө
Монгол Улсын Засгийн газар, ЖАЙКА-ын хооронд байгуулсан хэлэлцээрээр хэрэгжиж буй “Инженер, технологийн дээд боловсрол” төслийн хүрээнд МУИС-д сургалт, судалгааны лабораторийн тоног төхөөрөмж хүлээлгэн өглөө.
Их сургуулиудын сургалт, судалгааны орчныг сайжруулах, багш, судлаачдын чадавхыг дээшлүүлэх, дэвшилтэт тоног төхөөрөмж бүхий нээлттэй лабораториудыг байгуулах замаар туршилт судалгааг олон улсын түвшинд хүргэх зорилгоор төслийн худалдан авах ажиллагааг үе шаттайгаар зохион байгуулж, энэ удаад МУИС-д хэвлэлийн болон студийн 42 нэр төрлийн 105 тоног төхөөрөмжийг хүлээлгэн өгөв.
“Инженер, технологийн дээд боловсрол” төслийн санхүүжилтээр Япон Улсад Коосэн, бакалаврын хамтарсан, магистр, доктор, зэргийн бус /богино хугацааны/ хөтөлбөрт 1200 гаруй оюутан, судлаач багш нарыг хамруулаад буй. Энэхүү төсөл нь инженерийн салбарын боловсролыг хөгжүүлж, судалгаа, эрдэм шинжилгээний цар хүрээг өргөжүүлэн, аж үйлдвэрийн салбарын эрэлтэд нийцсэн мэдлэг, практик чадвар бүхий инженер, технологийн мэргэжилтэн бэлтгэхээс гадна онолын түвшинд заадаг байсан хичээлийг лабораторийн орчинд сурч, туршилт, судалгааг бодитоор хийх нөхцөлийг бүрдүүлэх ач холбогдолтой.
