С.Бямбацогт: Их сэргэлт авчрахад БХЯ-ны харьяа байгууллагууд хамтдаа хүчин зүтгэнэ

Батлан хамгаалах тогтолцоог шинэ шатанд гаргаж, Эх оронч үзэлд суурилсан хүн төвтэй бодлого хэрэгжүүлж, Үндэсний сөрөн тэсвэрлэх чадавхыг бэхжүүлэх бодлого, зорилтын хүрээнд Батлан хамгаалах яам болон түүний харьяа байгууллагууд 2025 оны гүйцэтгэлийн төлөвлөгөөгөө боловсруулж /2025.01.21/ батлууллаа.

БХЯ энэ 2025 онд дээрх бодлого, зорилтын хүрээнд нийт 17 зорилт, 150 арга хэмжээ хэрэгжүүлнэ.

Монгол Улсын Засгийн газрын 2024-2028 оны үйл ажиллагааны хөтөлбөрийг хэрэгжүүлэх төлөвлөгөөнд батлан хамгаалах яам нийт 10 зорилт, 52 арга хэмжээ хэрэгжүүлэхээр тусгаж, 2025 оныг батлан хамгаалах салбарт “Эх оронч Монгол-Их сэргэлтийн жил” болгон зарлаад байна.

Өнгөрсөн оны амжилтаа бататгаж, үндэсний сөрөн тэсвэрлэх чадавхын амин сүнс болсон “ЭХ ОРОНЧ ҮЗЭЛ”-ийг түгээн дэлгэрүүлж, салбартаа Их сэргэлт авчрахад БХЯ, ЗХЖШ, харьяа байгууллагуудын гүйцэтгэлийн төлөвлөгөөнд тусгасан санал санаачилгууд бодит ЗҮТГЭХ ХҮЧ нь болно гэдгийг Батлан хамгаалахын сайд С.Бямбацогт арга хэмжээний үеэр онцоллоо.