“Шинэ хоршоо” үндэсний хорооны ажлын хэсэгт “Хот айл” судалгааг хүлээлгэн өглөө

ОБЕГ-ын дэргэдэх Гамшиг судлалын үндэсний хүрээлэнгээс Монгол Улсын Засгийн газрын  мал аж ахуйн салбарын “Шинэ сэргэлтийн бодлого”-ын хүрээнд “Хот айл” cудалгааны ажлыг 2022-2024 онд гүйцэтгэн,  “Шинэ хоршоо” үндэсний хорооны ажлын хэсгийн бүрэлдэхүүнд /2025.01.09/ хүлээлгэн өглөө.

Энэхүү судалгааны ажлыг практикт нэвтрүүлсэнээр малын зүй бус хорогдол буурч, малаас гарах ашиг шим нэмэгдэж, малчин өрхийн орлого сайжирч улмаар эдийн засгийн хувьд тогтворжиж, хөрөнгө оруулалт нэмэгдэх ач холбогдолтой юм. 

Судалгааны ажлын хэрэгжилт, үр дүнгийн талаар хүрээлэнгийн захирал, доктор (Ph.D), хурандаа Ж.Амгалан танилцуулж, цаашид практикт үргэлжлүүлэн нэвтрүүлэх талаар зөвлөгөө өгч, хамтран ажиллахаа илэрхийллээ.

Дашрамд дурдахад “Хот айл” судалгааны ажил нь Онцгой байдлын байгууллагын 2024 оны шилдэг судалгааны ажлаар шалгарсан юм.