Хар тамхи хилээр нэвтрүүлсэн этгээдүүдийг саатуулжээ

Тагнуулын Ерөнхий Газар хуулиар харьяалуулсан гэмт хэрэгтэй тэмцэх хүрээнд их хэмжээний хар тамхи илрүүлжээ. Тодруулбал, АНУ-аас мансууруулах эм, сэтгэцэд нөлөөт бодисыг улсын хилээр хууль бусаар нэвтрүүлсэн гэмт этгээдүүдийг 2018 оны 08 дугаар сарын 17-ны өдөр саатуулан баривчилсан байна. Тухайн саатуулагдсан этгээдийн тээшинд үзлэг хийхэд гоо сайхны бүтээгдэхүүнээр халхавчлан их хэмжээний хар тамхийг нуусан байсныг илрүүлсэн байна.