“Хариуцлагатай нүүдэлчин” стандартыг нэвтрүүлсэн Бүрэнтогтох, Түнэл сумдууд “Нээлттэй Хөвсгөл 2023” өдөрлөгт оролцож байна

Хөвсгөл аймгийн Засаг даргын тамгын газар, Хөвсгөл аймгийн нутгийн зөвлөлтэй хамтран “Нээлттэй Хөвсгөл 2023” арга хэмжээг Улаанбаатар хотноо 2023 оны 10-р сарын 6,7 –ны өдрүүдэд Сүхбаатарын талбай дээр зохион байгуулав. Энэхүү өдөрлөгийн үеэр МБАНХ-ны зөвлөх үйлчилгээний хүрээнд “Хариуцлагатай нүүдэлчин” стандартыг нэвтрүүлсэн Хөвсгөл аймгийн Бүрэнтогтох, Түнэл суманд хэрэгжүүлж буй “Малын гаралтай түүхий эдийн бэлтгэн нийлүүлэлтийн мөшгих систем”-ийн хэрэгжилтийг танилцуулж байна. Мөн хамтын ажиллагаатай Алаг-Эрдэнэ, Арбулаг, Баянзүрх сумдууд оролцлоо.