Якутын төлөөлөгчдийг хүлээн авч уулзав

ОХУ-ын Саха(Якут) Улсын Нерюнгринский дүүргийн Засаг дарга Станиловский Виктор Николаевич болон Хангаласский(улус) дүүргийн Засаг дарга Алексеев Гаврил Юрьевич нарыг Чингэлтэй дүүргийн Засаг дарга Ж.Эрдэнэбат хүлээн авч уулзлаа.

Уулзалтаар Саха(Якут) Улсын Нерюнгринский дүүрэг, Чингэлтэй дүүрэг хооронд нийгэм, эдийн засгийн чиглэлд хамтын ажиллагааны гэрээ байгуулах тухай мөн Хангаласский дүүрэгтэй байгуулсан хамтын ажиллагааг өргөжүүлэх талаар харилцан санал солилцов. Түүнчлэн зочид төлөөлөгчид дүүргийн Засаг даргын Тамгын газартай танилцсан юм.