Ахмад уран бүтээлчдийн үзэсгэлэн нээгдлээ

Монголын дүрслэх урлагийн салбарын ахмад уран бүтээлчдийн хүндэтгэлийн үзэсгэлэн Монголын уран зургийн галерейд /2023.02.10/ нээлтээ хийлээ.

Үзэсгэлэнд ахмад уран бүтээлчдийн тухайн цаг үеийн дүрслэх урлагийн хөгжил, уран бүтээлчдийн чанар чансааг илэрхийлэх 44 бүтээл тавигдсан юм. Дүрслэх урлагийн музейд дүрслэх урлагийн бүхий л төрөлд хамаарах 4000 гаруй бүтээл байдаг бөгөөд эдгээр нь ахмад болон орчин үеийн уран бүтээлчдийн сор болсон бүтээлүүдээс бүрддэг.

Үзэсгэлэнгийн үеэр Соёлын сайд Ч.Номин Соёлын яамнаас баримталж буй Дүрслэх урлагийн салбарын бодлогыг танилцуулж, ахмад уран бүтээлчдийн туршлага, мэдлэг, зөвлөгөөг салбарын бодлогод тусган ажиллахаа илэрхийллээ.