Монгол бүжигчид ОУ-ын цахим бүжгийн уралдаанаас медаль хүртжээ

Монголын балетын хөгжил сангийн санаачлагаар UNESCO-гийн ивээл дор зохион байгуулагдсан 16 орны 1000 гаруй уран бүтээлчдийн оролцсон IUCDC буюу Олон улсын нэгдсэн цахим бүжгийн уралдаан хоёр сар гаран үргэлжилж  2 сарын 12-нд дүнгээ гаргажээ.

Сонгодог, ардын, орчин үе, чөлөөт, стандарт, цэнгээнт бүжгүүд ба бүжгийн сэдэвт уран зураг, кино бүтээл гэсэн төрлүүдээр явагдсан уг тэмцээнд Монгол Улсаа төлөөлөн Улаанбаатар, Дархан-Уул, Дорноговь, Завхан аймгаас оролцсон байна.

Хүүхэд залуус энэхүү уралдаанаас ардын, сонгодог мөн орчин үеийн төрлүүдээр 4 алт, 4 мөнгө, 2 хүрэл медаль болон тусгай байрын шагналууд тус тус хүртжээ.

Тодруулбал, Ардын бүжгийн төрөлд Жуниор/При-Жуниор ангилалд:

-Дорноговь аймгийн Саран хөхөө театрын дэргэдэх “Саруул дэнж” хамтлаг – Алтан медаль  болон Шилдэг үзүүлбэрийн шагнал

-О.Мишээл  – Алтан медаль

-Г.Энгүн  – Алтан медаль

-Я.Түмэн-Эрдэнэ – Мөнгөн медаль

-А.Биндэръяа – Мөнгөн медаль

-М.Энхжин – Мөнгөн медаль

-Х.Хонгорзул – Хүрэл медаль

-Э.Эмүжин – Хүрэл медаль

-Нийслэлийн 84-р дунд сургуулийн сурагч Ц.Эрхсаран – тусгай байр

Ардын бүжгийн төрөлд сениор ангилалд:

Цагдаагийн “Сүлд” чуулгын бүжиг дэглээч, Монголын балетын үндэсний сургуулийн багш, соёлын тэргүүний ажилтан Ё.Дамчаабадгар – Алтан медаль болон шилдэг үзүүлбэрийн шагнал

-Завхан аймгийн уран бүтээлч, бүжиг дэглээч Э.Амаржаргал – Мөнгөн медаль

Сонгодог бүжгийн төрөлд:

-Дархан-Уул аймгийн “Гладнес” клубын баг – Тусгай байр

-Ц.Молор – Хичээл зүтгэлийн шагнал

Орчин үеийн бүжгийн төрөлд:

Ц. Молор – Тусгай байр

О.Уянга  – Тусгай байрын шагнал хүртлээ.

Уг тэмцээний шүүгчдийн бүрэлдэхүүнд “Монголын балетын хөгжил сан”-гийн тэргүүн, МУГЖ, Соёлын Элч Д.Алтанхуяг ажилласан байна.

Эх сурвалж: Соёлын яам