Мансууруулах бодис хууль бусаар хил нэвтрүүлдэг бүлэг этгээдүүдийг илрүүлжээ

ЦЕГ-ын Хар тамхитай тэмцэх газрын алба хаагчид өнгөрсөн сарын 29-30-ны өдрүүдэд Өмнөговь аймгийн нутаг дэвсгэрт ажиллаж, мансууруулах бодис хууль бусаар улсын хил нэвтрүүлж, зарж, борлуулдаг бүлэг этгээдүүдийг илрүүлэн баривчилж, их хэмжээний бодис хураан авчээ.

Тодруулбал, ЦЕГ-ын Хар тамхитай тэмцэх газрын албаныхан “Цагаан хад” орчим хяналт шалгалт явуулж, нүүрс тээврийн жолооч нар болон Оюутолгойгоос баяжмал тээвэрлэж буй хүнд даацын тээврийн хэрэгслүүдийг шалгах ажиллагааг зохион байгуулсан аж.