Иргэдийн аюулгүй байдлыг хангах тухай албан бичгийг хүргүүлжээ

Баянгол дүүргийн 20 дугаар хороо, Үйлдвэрийн баруун бүс, Баянгол дүүргийн 20 дугаар хорооны нутаг дэвсгэрт байрлах “бөөний худалдааны” гэх орон сууцны 27/1 дүгээр байрны 14 тоотын ашиглалтын байдалд шалгалт хийлээ.

Шалгалтаар том өрөөний таазны өнгө шавардлагын нийт гадаргууд нарийн цууралтууд үүссэн, ойролцоогоор 2 м2 талбайн шавардлага унасан, цаашид шавардлага нь хөдийрөн унах, осол гаргах нөхцөл байдал үүссэн байна.

Орон сууцны 27/1 дугаартай 3 давхар тоосгон байшингийн ашиглалтын байдалд шалгалт хийж 2011 оны 06 дугаар сарын 10-ны өдрийн 07-64/1027 дугаартай улсын /ахлах/ байцаагчийн дүгнэлт гаргасан, НМХГ-ын дарга, улсын ахлах байцаагчийн 2014 оны 07 дугаар сарын 10-ны өдрийн 01-01/05 дугаар шийдвэрээр ашиглалтыг хориглосон нийтийн зориулалттай орон сууцны 150 барилгын жагсаалтад багтсан байдаг.

Иймд орон сууцны 27/1 дүгээр байрыг дахин төлөвлөлтөд оруулах асуудлыг шийдвэрлэх, иргэдийн аюулгүй байдлыг хангах арга хэмжээг авахуулах тухай албан бичгийг Баянгол дүүрэг, хорооны Засаг дарга нарт албан бичгээр хүргүүлсэн.