Ерөнхийлөгч бизнес эрхлэгчдийн төлөөллүүдтэй уулзав

Монгол Улсын Ерөнхийлөгч Х.Баттулга 2019 оны тавдугаар сарын 13-ны өдөр “Шинэ эдийн засгийн форум”-д оролцож үг хэлэх үеэрээ бизнесийн салбарынхантай ойрын хугацаанд уулзаж, чөлөөт ярилцлага өрнүүлнэ гэсэн билээ.

Энэ дагуу өнөөдөр Монгол Улсын Ерөнхийлөгч Х.Баттулга Монголын Үндэсний худалдаа аж үйлдвэрийн танхимд бизнесийн салбарт тэргүүлэгч 200 орчим бизнес эрхлэгчтэй зангиагүй уулзалт зохион байгуулж, чөлөөт ярилцлага өрнүүлэв.