МАН-ын Удирдах зөвлөл өнөөдөр хуралдаж НИТХ-ын даргыг тодруулах асуудлыг хэлэлцжээ. Удирдах зөвлөлийн олонхийн саналаар НИТХ-ын даргад Р.Дагвыг нэр дэвшүүлэхээр болсон байна.
НИТХ-ын одоогийн даргаар С.Амарсайхан ажиллаж байгаа бөгөөд түүнийг Хотын даргад нэр дэвшүүлээд буй учраас НИТХ-ын даргыг тодруулж байгаа аж. Р.Дагва нь одоогийн НИТХ дахь МАН-ын бүлгийн даргын сонгуульт ажлыг хашдаг юм.
Нийслэлийн МАН-ын тэргүүлэгчид өмнө нь хуралдаж, Р.Дагвыг НИТХ-ын даргад нэр дэвшүүлэхийг дэмжсэн юм. Маргааш буюу энэ сарын 16-нд товлогдоод буй НИТХ-аар хотын дарга болон НИТХ-ын даргын томилгоог хэлэлцэхээр тогтлоо.
