Хотын захирагч Су.Батболд албан тушаалаасаа огцрох хүсэлтээ энэ сарын 27-нд Ерөнхий сайдад хаяглан хүргүүлжээ. Учир нь тэрээр нийслэлийн ирэх 2019 оны төсвийг хэлэлцэн батлах гэж буйтай холбогдуулан ирэх сарын 10-нд үүрэгт ажлаасаа чөлөөлөгдөх хүсэлтэй байгааг дээрх албан бичигтээ онцолсон байна.
НИТХ хотын даргыг огцоруулах эсэх асуудлаар хуралдаж чадалгүй удаа дараа хойшилж, өнөөдрийн хуралдаанаар АН-ын бүлэг 7 хоногийн завсарлага аваад байсан юм. Энэ удаагийн хуралдааны дараахан хотын дарга дээрх шийдвэрээ гаргасан байна.
