Нийслэлийн Иргэдийн төлөөлөгчдийн хурал өнөөдөр хуралдах байсан ч одоог хүртэл ирц бүрдээгүй байгаа аж. Хотын дарга Су.Батболдыг огцруулах эсэх тухай хэлэлцэхээр өнгөрсөн долоо хоногт ирц бүрдээгүй гэсэн шалтгаанаар хойшлуулж, энэ сарын 27-нд буюу өнөөдөр товлосон ч ирц бүрдэхгүй байна.
Одоогоор хурал болох танхимд НИТХ-ын дарга С.Амарсайхан тэргүүтэй 20 орчим гишүүн ирсэн байна. НИТХ нь 45 гишүүнтэй, ирц 50 хувьд хүрч байж, огцруулах асуудлыг хэлэлцэх боломжтой болох юм.
