Тэргүүний архивчид зөвлөлдөв
Нийслэлийн 379 жилийн ой, нийслэлд Архивын салбар үүсч хөгжсөний 60 жилийн түүхт ойг тохиолдуулан нийслэлийн Архивын газраас “Нийслэл, дүүргийн тэргүүний архивчдын нэгдсэн зөвлөгөөн”-ийг зохион байгууллаа.
Уг зөвлөгөөн нийслэлийн Засаг дарга бөгөөд Улаанбаатар хотын захирагч С.Батболдын ивээл дор зохион байгуулагдаж байгаа юм. Зөвлөгөөнд нийслэлийн төр захиргааны, орон нутгийн төсөвт, өмчит, өмчийн оролцоот байгууллагуудынтэргүүний 300 архивчдын төлөөлөл оролцов.
Улаанбаатар хотод 1958 оноос архивын тасаг үйл ажиллагаа явуулах болсноор өнөөгийн нийслэлийн Архивын газрын түүхэн замнал эхэлсэн түүхтэй. Өнгөрсөн 60 жилийн хугацаанд нийслэлийн Архивын газар нь Улаанбаатар хотын түүх соёлын өвийг бүрдүүлэх, хадгалан хамгаалах, архивын хууль тогтоомжийн хэрэгжилтийг орон нутгийн хэмжээнд хангуулах, албан хэрэг хөтлөлт, архивын үйл ажиллагаанд мэдээллийн технологи нэвтрүүлэх, олон улсынхотуудын архивын жишигт нийцүүлэх чиглэлээр томоохон ажлуудыг санаачлан хэрэгжүүлж, үр дүнд хүргэн ажилласан байна.
Зөвлөгөөнөөр салбарын өнөөгийн байдал, цаашдын хөгжлийн чиг хандлага, тулгамдаж буй асуудлуудын талаар нээлттэй зөвлөлдөж, асуудлыг шийдвэрлэх хүрээнд цаашид авч хэрэгжүүлэх арга хэмжээний чиглэлийг тодорхойллоо гэж нийслэлийн Архивын газраас мэдээлэв.
