Дэлхийн хэвлэлийн эрх чөлөөний өдөр өнөөдөр тохиож байна. Энэ өдрийг тохиолдуулан УИХ-ын дарга Г.Занданшатар хэвлэл мэдээллийн байгууллагын ажилчдад мэндчилгээ дэвшүүллээ.
Тэрбээр “Монголын парламентыг нээлттэй ил тод болгох, шинэчлэлийг хэрэгжүүлэх, ард түмний засаглах эрхийг хангах, хууль тогтоох ажиллагааг амжилттай хэрэгжүүлэх, төрд итгэх иргэдийн итгэлийг сэргээх зэрэг олон чухал зүйл дээр дэмжиж, хамтран ажиллаж ирсэн сэтгүүлчид та бүхэндээ Дэлхийн хэвлэлийн эрх чөлөөний өдрийн мэндийг хүргэе” гэв.
