Лхагва гаригт хүндэтгэлийн чуулгантай

Монгол Улс байнгын ажиллагаатай парламенттай болсоноос хойш 30 жилийн хугацаа өнгөрч байна. Энэхүү 30 жилийн ойд зориулан УИХ ирэх Лхагва гаригийн 13.00 цагаас хүндэтгэлийн хуралдаан хийхээр болжээ.

Монгол Улсад байнгын ажиллагаатай парламент байгуулагдсаны 30 жилийн ойд зориулсан УИХ-ын хүндэтгэлийн чуулганыг Төрийн ордны Их Монгол танхимд зохион байгуулах юм байна.

УИХ өнгөрсөн пүрэв гаригийн чуулганы хуралдаанаараа Н.Энхболд тэргүүтэй гишүүдийн санаачлан боловсруулсан УИХ-ын 30 жилийн ойн хүндэт медаль бий болгох тухай тогтоолын төслийн хэлэлцсэн. Гэвч чуулганы хуралдаанд оролцсон гишүүдийн олонх нь дэмжээгүй учраас төслийг хууль санаачлагчид нь буцаасан юм.