Үерийн улмаас Метро манила хотын 1710 хэсгээс 412 нь, Төв болон Хойд Лузоны 9858 хэсгээс 200 гаруй хэсэг үерт өртөөд байна.

Нийгмийн хамгаалал, хөгжлийн газар (DSWD)-аас хүчтэй үер болж байгаа Манила Метро, Төв Лузон, Калабарзон хот болон улсын хэмжээнд нийт гурван сая орчим өрхөд хүнсний багц өгч, мөн урьдчилан бэлтгэж байгаа аж.

Орон нутгийн засаг захиргааны нэгжүүдтэй (LGUs) урьдчилан сэргийлэх нүүлгэн шилжүүлэлтийг хэрэгжүүлэх, олон нийтийн аюулгүй байдлыг хангах чиглэлээр ажилласаар байна.  Иргэний хамгаалалтын албаны мэдээллээр тус улсад 2.7 сая орчим хүн үерийн гамшигт нэрвэгдээд байгаагийн 147 мянга гаруй нь нүүлгэн шилжүүлэх төвүүдэд байрлаж байна.

Эрх баригчид өмнө нь 12 хүн нас барж, есөн хүн сураггүй алга болсон гэж мэдээлсэн ч Гамшгийн эрсдэлийг бууруулах, удирдлагын үндэсний зөвлөл (NDRRMC)-өөс хоёр хүн нас барсныг баталгаажуулж, бусад 10 хүнийг эрэн хайж байгаа аж. 
Үерийн улмаас барилга байгууламж зэрэг дэд бүтцэд учирсан хохирол  3.8 тэрбум фунт стерлинг болсон бол эрх баригчид хөдөө аж ахуйн салбарт 366 сая фунт стерлингийн хохирол учирсан гэж мэдэгдээд байна.

Үерийн улмаас үүссэн нөхцөл байдалтай холбогдуулан олон мянган айл өрх болон аж ахуй нэгж, байгууллагад цэвэрлэгээний ажилд тусламж үзүүлэхээр бусад хотуудаас сайн дурын ажилчид, найз нөхөд, оюутан залуус цугларчээ.