Өнөөдөр Монгол Улсын нийслэл Улаанбаатар хотоос Халх гол руу түүхэн дэх хамгийн олон хүнтэй хайгуулын экспедиц /2025.05.16/ хөдөллөө. Оросын янз бүрийн бүс нутгаас 30 гаруй туршлагатай сайн дурын хайгуулчид 1939 онд тулаан болсон газарт, тэр дундаа Ремизовын өндөрлөгт ажиллана.
Тэдэнтэй анх удаагаа Монголын Зэвсэгт хүчний 100 орчим алба хаагч нэгдэх болно. Хайгуулын багийн гол зорилго нь дайчдын шарилыг олж, боломжоороо хэн болохыг нь тогтоох юм. Экспедицийн бүрэлдэхүүнд Оросын эрдэмтэн-антропологичид, 3D төхөөрөмжийн мэргэжилтнүүд багтаж байна. Тэдний даалгавар бол олдсон шарилын хэсгүүд дээр үндэслэн 3D-модель хийх, ингэснээр дайчдыг танихад тусална. Малтлагын явцад олдсон эд зүйл, зэвсэг, техник, сум, бичиг баримтыг музейд шилжүүлэх юм.
Экспедицийг үдэн гаргах ёслолын ажиллагаанд Монгол Улсын Батлан хамгаалах яамны төлөөлөл, Оросын цэрэг-агаарын атташе Павел Петрунин, ОХУ-аас Монгол Улсад суугаа Элчин сайд Алексей Евсиков нар оролцлоо.
