Хурд хамтлагийн 30 жилийн ойн бэлэг “Бүсгүй” уран сайхны кино
2025 оны хамгийн сэтгэл догдлуулсан, зүрхэнд хоногших хайрын түүхийг өгүүлэх “Бүсгүй” уран сайхны кино тун удахгүй үзэгчдийн хүртээл болох гэж байна. “Хурд” хамтлаг 30 жилийнхээ ойн хүрээнд олон гэнэтийн бэлгийг сонсогчдодоо хүргэж буйн нэг нь энэхүү бүрэн хэмжээний уран сайхны кино юм.
Тодруулбал, “Хурд” хамтлаг “Хайрлагдсан эмэгтэй хамгаас илүү үзэсгэлэн төгс, эрхэмсэг. Хайрлаж, хайрлуулж яваа бүсгүйчүүддээ зориулав” хэмээн онцолсон “Бүсгүй” дуунаасаа сэдэвлэсэн уянгын драмын киноны гол дүрийг жүжигчин Г.Ариунболор, С.Ариунбямба нар бүтээжээ.
Онгод хөглөсөн хайрын түүх буюу өнөө цагийн хурдацтай амьдралаас тасран, тосгоны амар амгаланд өрнөх халуун хайрын өгүүлэмж таны сэтгэлийн утсыг хөглөнө. Тосгоны залуусын рок хөгжмийн замнал Эгэл тосгоны залуусын мөрөөдөл, шаналал, баяр баясал, тайзан дээрх рок амьдралын бодит үнэнийг олж мэднэ.
Хурд хамтлагийн тухай бидний мэдэхгүй түүх Монголын рок хөгжмийн ноён оргил болсон Хурд хамтлагийн бидний хэзээ ч сонсож байгаагүй түүх, замналын нууцыг дэлгэн харуулна. Хувь тавилан тэднийг учруулж, хайр, хөгжим, мөрөөдлийн замд хувь тавилангийн эргүүлэг хэрхэн үргэлжлэхийг таашаан үзээрэй.
“Бүсгүй” уран сайхны кино 2025 оны 1-р сарын 16-наас Монголын бүх кино театруудаар гарна.
